బ్రతుకుతెరువు కోసం ఏవేవో రాసాను. నునగొప్పల చంద్రమోహన్ బదులుగా రైటర్ చంద్రమోహన్ అని పిలిపించుకున్నాను. ఇలా రాసినవన్నీ ఎదుటివారి అవసరార్థం లేదా నా విధుల్లో భాగంగా రాసినవి. వాటిల్లో నా అలోచనల కన్నా, రాయించుకునే వారి ఇష్టాయిష్టాలకే ప్రాధాన్యత ఇవ్వవలసి వచ్చింది.నాలాంటి రచయితలకుండే ఈ అసంతృప్తిని బ్లాగులు కొంతవరకు తొలగించి స్వేచ్ఛ్చనిస్తున్నాయని చెప్పొచ్చు.ఈ అవకాశాన్ని సద్వినియోగం చేసుకుంటూ నేను రాసిన (రాసుకున్న అనాలేమో!)కథలను 'నునగొప్పల కథలు 'గా ఇక్కడ ఉంచుతున్నాను.
